Press "Enter" to skip to content

Thoh u Bah Hamlet sha u DGP ba jur dheng kali ha Kynton

Shillong, Rymphang 18: U Bah Hamletson Dohling, Myntri Sorkar Jylla ba dei peit ïa ka tnad Urban Affairs, u la phah da ka jingthoh sha u Director General of Police, Meghalaya ban kyntu ïa u ban phah pulit pynïaid kali ha Kynton namar ka jingdheng kali kaba jur ha kane ka jaka kaba jia man la ka sngi.
Ha ka jingthoh, u Bah Hamletson Dohling, MLA ka thain, u la ong ba ka Kynton ka dei tang kane hi ka jaka kaba ka surok ka ïaid lyngba sha Umlyngka, Nongkseh, Nongumlong bad Lummawbah. “Kane ka wanrah ka jingdheng kali kaba jur ha ka por mynstep ha ka por ba ïa beh kam bha kata ha ka por naduh 7:30 AM haduh 10:30 AM”, la ong une u nongmih khmat.
“Kumjuh ruh ka jingdheng kalai ha kane ka jaka ka ka jur bha ruh ha ka por janmiet ha ka por naduh 2:00 PM haduh 9:30 PM”, u la ong da kaba kdew ba kane ka jaka ka khap ngiah ruh na ka jingdon ki skul bad kiwei ki tnad treikam kiba wanlam ka jingdheng kali kaba jur bha.
“Ki bor pynïaid shnong borabor ki pyrshang ban leh la ka buit ka bor ban weng ïa kane ka jingeh hynrei kim lah satia ban da leh janai haduh katta katta”, u la ong.
Da kaba kyntu ïa u heh pulit ban tuklar lem halor kane, u Bah Hamletson Dohling u la kdew ba dei ban phah noh da ki bor pulit pynïaid kali ha kane ka jaka ban pynthikna ba ka ïaid ka ieng ki kali kan long kaba ryntih bad pynsuk ïa ka ïaid ka ieng ki nongleit nongwan ha kane ka jaka.