Press "Enter" to skip to content

Yn jied khynnah ïalehkai ha ka TATA Trust Centre of Exellence

Shillong, Rymphang 18: Ka TATA Trust Centre of Excellence (CoE), Aizawl, Mizoram ha ryngkat ka jingïatreilang bad ka Megha-laya Football Association (MFA) kan pynlong ka jingjied ïa ki khyn-nah ïalehkai (U-15 Boys) ban pynrung sha ka shlem ai jinghikai jong ka TATA Trust Centre of Excellence kaba don ha Aizawl, Mizoram. Katei ka Centre ka pynbiang lut nadong shadong bad ai ruh kajuh ka jinghikai ha ki jingpule bad ha ka football.
Ha ki ar tylli ki snem, katei ka Centre ka la ïoh ban pynmih ïa ki 4 ngut ki pleïar sha ka Indian National Camp na ka U-16, bad u wei napdeng kitei ba la shah jied u dei na kane ka Jylla Meghalaya kata u Samla Emboklang Nongkhlaw. ïa katei ka prokram yn pynlong ha ha ki ar sngi jong ka 22 tarik bad 23 tarik Rymphang 2020, ha ka 22 tarik yn pynlong ha JN Stadium, Polo ha ka por 12:30 baje nohphai sngi haduh ka 2 baje janmiet bad ha ka 23 tarik yn pynlong ha MFA Ground, Polo naduh ka por 9 baje mynstep haduh 12 baje shiteng sngi.
Ki khynnah kidei kiba la kha ha u snem 2006 bad 2007 bad kin rah lang ruh ryngkat ki jingpynshisha lyngba ki syrnot sngikha bad kawei ka dur, ka Aadhar Card bad ka jingpynshisha na ka skul (ID Card) ryngkat ka dur. Ka TATA Trust Centre of Exelence ka khot bad wer ïa ki khynnah donsap ha ka football ba kin wan ha kitei ki prokram khnang ba kin ïoh ban shah jied sha katei ka Centre kaba don ha Aizawl, Mizoram.