Press "Enter" to skip to content

Ïaid sahuh ki Night Super ha EJH, pynshitom ki pulit ïa kiba mih sha surok bad ïa kiba niah kali

Khliehriat Lber 25:Watla ki bor sorkar bad ki bor jong ka aiñ ki la khang pyrshah ïa ki paidbah ba kim dei ban mih shabar na ïing bad khanglad ruh ïa ki kali ban iaid ha surok na ka daw ban ïada na ka jingsaphring u khniang jingpang Corona Virus, katba la lap pat ba ki don lai tylli ki kali Night Super kiba don u registration number AS-01-KC-5366 bad AS-01-KC-5377 bad kawei pat kaba khlem ioh number ki la iaid sahuh ha surokbah National Highway ha East Jaiñtia Hills District. Kine ki kali Night Super kiba wan na Assam ki dei kiba kit tang ar ngut ne lai ngut ki briew. La lap ruh ba don ki kali, kiba dei na kine ki thaiñ kiba la pyrshang ban iaid ha surok katba na ka liang ki Pulit ki la bat ïa ki kali bad na ka daw ka jingpynkheiñ aiñ jong ki.
U Superintendent of Police East Jaintia Hills Dstrict u la pynsaja ïa ki tang khyndait por eh da kaba phah ieng phah shong, kum ka jingai jingsneng ïa ki ba ki la pynkheiñ ïa ka aiñ.
Kane ka jingpynshitom jong ki Pulit ia kiba pynkheiñ ia ka jingpynjari ia ka korphiw ka long ban pynsngewthuh ia ki briew ba ki dei ban kohnguh ban iada ialade bad ia ka iing ka sem.
Katba kaba lyngngoh pat ka long ba balei ïa kitei ki kali Night Super kiba wan na ka Jylla Assam la ailad ïa ki ban iaid ha kaba khlem don mano mano ruh ba bat ne tohkit ïa ki nongniah.