Press "Enter" to skip to content

Coronavirus: Lah ban pynkut noh ïa ka samoi ïalehkai ka Serie A 2019-20

Turin/Lber: Ka lympung ïalehkai ka Serie A ka don mynta hapdeng ka jingartatien banbteng biang namar la mih khubor ba ki bor pynïaid ki lah ban pynbna ban pynkut noh ïa kane ka samoi ïalehkai phutbol 2019-20 namar ka jingbteng saphriang ka jingpang coronavirus kaba la ktah jur ïa ka ri Italy baroh kawei. U Chairman ka Italian Footballers’ Association, u Damiano Tommasi u ngeit skhem ba ka lah ban mih ka jingmynjur na ka jingïalang mynta ka sngi ban pynkut noh ïa kane ka samoi ïalehkai mynta ka samoi.
Kane ka rai ka la wan hadien ba ka Italy ka dang bteng haduh mynta ban khang khyrdep ïa baroh kawei ka ri bad ba ka jingïap ka la kiew mynta sha palat 10,000 na ka jingpang coronavirus ha kane ka ri.
Baroh ki lympung ïalehkai sport ha ri Italy la pynsangeh noh kynthup ka Serie A kaba la buhpor ban pynïakhun haduh 3 tarik Jymmang hynrei ym i tikna shuh mynta.
Hynrei na ka liang u Tommasi u kyrmen skhem ba ka Serie A kan bteng haduh kaba kut mynta u snem hynrei ka shong ha ka jingïalang mynta ka sngi la kan pynkut ne bteng biang mynta ka sngi.
U la ong: ‘Ka don ka jingïakren mynta ka sngi bad ka don ka jingai jingmut ban pynsangeh shwa ïa ka lympung ïakhun jong kane ka samoi. ‘Namarkatta ka eh palat ban shu pynkut noh ïa ka samoi ïalehkai na ïa ka kontrak ba la dep iateh.’
U Tommasi ïa mynta u ap ïa ka rai la yn pynkut ne bteng biang ïa ka samoi ba mynta.
‘Hynrei kaba hakhmat eh ka dei ka koit ka khiah jong baroh, kumjuh ki nong ïalehkai sport. Nga bna ïa ka khubor ba baroh ki nongïalehkai ki kwah kilan met noh, hynrei ngi hap bud ïa ka jingbthah ka tnad ka koit ka khiah. Ka dei ka khyllipmat kaba eh shisha bad ngi hap ruh ban ïaid katkum ki jingbthah na ka sorkar. Ka phutbol kam dei ban don hakhmat duh ïa kiei kiei baroh.Ngi hap sngewthuh ïa kane bad donkam ban pynkylla ïa ka jingmlien.’ ong biang u Tommasi
U la ong ruh ba wat u Giorgio Chiellini u la kyntu ïa ki para nongïalehkai ka Juventus ba kin pdiang ban shim duna ïa ka tulop. Lada baroh ki rangïalehkai ki pdiang ïa katei ka jingtyrwa ka mut ka pisa £80million ka Juventus ka neh. Coronavirus: Lah ban pynkut noh ïa ka samoi ïalehkai ka Serie A 2019-20