Press "Enter" to skip to content

Ka jingïapkhlam bad ka nemsniew

Hiren Najiar
Ka ïing Jingduwai, Jingkieng Myntdu Jowai.

A) Ka jingïapthem.
1. U Blei uba ka jaka rieh jong ngi.
Salm.91:1-6.10-12. Uta uba shong ha ka jaka barieh jong U Blei Bahakhlieh tam eh, un ïoh ïai neh hapoh ka jingkah jong U Badonbor baroh. Ngan ong shaphang U Trai, U long ka jaka rieh jong nga bad ka kut jong nga; U Blei jong nga, ha uba nga shaniah. Naba un pyllait ïa me na ka shangkhawiah jong u nongriam, bad na ka jingïapkhlam ba pynsniew.
Un tep ïa me da la ki sner, bad hapoh ki thapniang jong u men ïoh rieh ïalade; ka jingshisha jong u ka long ka stieh bad ka tieh bah. Men ym sheptieng na ka jingtriem mynmiet, lymne na u khnam ba her mynsngi, na ka jingïapkhlam ba ïaid ha kaba dum, lymne na jingpynjot kaba pynjot mynsngi.
Kan ym jia ei ei kaba sniew ïa me, lymne kano kano ka jingïapkhlam kan ym wan hajan ka ïingjaiñ jong me. Naba un hukum ïa la ki angel shaphang jong me, ban sumar ïa me ha ki lynti jong me baroh. Kin rah ïa me ha la ki kti, ba ïoh men jynthut la ka kjat ha u maw.
Loukas. 12:7. Hynrei wat ïa u ñiuhkhlieh jong phi baroh la ñiew. Namarkata wat sheptieng: phi long kham kor ïa shibun ki sim ïing.
Ka nuksa. Ka jingïapkhlam ki mrad bad ka jingpang da ki toh jaw.
Eksodos. 9: 4,6. U Trai ruh un pynïapher ïa ki jingri jong ki Israel bad ki jingri ka ri Ijipt; ba kan ym ïap kaei kaei ruh em kaba dei ka jong ki khun Israel. U Trai u la leh ruh ïa kata ha kaba lashai, bad ki jingri baroh jong ka ri Ijipt ki la ïap noh; hynrei na ki jingri jong ki khun Israel kawei ruh kam shym la ïap.
Eksodos. 9:10. Bad ki la shim ïa ka dpei na kata ka pajwa, bad ki la ïeng hakhmat u Pharoah; bad u Moses u la synreit ïa ka sha bneng; te ki la man toh jaw ba mih ksuit ha u briew bad ha u mrad.
2. Ka jingshah shkor ïa ki hukum U Blei ka pyllait na ki jingpang
Eksodos. 15:26. Bad u la ong,Lada men sngp biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shah shkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt ; naba ma nga nga long U Trai uba pynim ïa me.
3.Ka jingker sawdong ïa kiba ngeit.
Job.1:9-10. U Soitan te u la ïathuh ha U Trai, bad u la ong, U Job u sheptieng ïa U Blei khlem daw? Me mem shym la pynlong ka jingker sawdong ïa ka ïing jong u, bad sawdong ïa kiei kiei baroh ba u don kylleng kylleng? Me la kyrkhu ïa ki kam ki kti jong u, bad ka spah jong u ka la roi ha ka khyndew.
Salm. 125: 2. Kumba ki lum baroh sawdong ïa ka Jerusalem, kumta U Trai u long baroh sawdong ïa la ki briew, naduh mynta bad haduh bymjukut.
Salm. 34:7. U angel U Trai u ker sawdong ïa kita kiba sheptieng ïa u, bad u pyllait ïa ki.
4. U Trai Jisu U ïathuh lypa ïa ki nemsniew bad ïa ki jingïapthem.
Mathaios. 24:3,7-8. Te haba u dang shong halor u lum ki Olib, ki synran ki la wan ha u jar jar , ki ïa ong. To ïathuh ha ngi, lano ba kine kiei kiei ruh kin long? Bad kaba kumno ka dak ka jingwan jong me, bad kaba wai noh ka pyrthei?
Naba ka kynja bynriew kan ïeng ïaleh ïa ka kynja bynriew bad ka hima ruh ïa ka hima; bad kin long ki nemsniew bad ki jingïapthem ruh, bad ki jingkhyñiuh jumai ha shibun ki jaka. Hynrei kine baroh ki long tang ki jingsdang ki jingjynjar.
5.U Trai Jisu Khrist u la shim ïa ki jingpang bad ïa ki jingkhrew.
Mathaios. 8:17. Ba kumta yn pyndep ïa kata ba la ong da u Isaiah u nongïathuhlypa, u da ong , U hi u la shimti ïa ki jingkhrew jong ngi,bad u la buh noh ïa ki jingpang jong ngi.1 Petrs. 2:24. Uba da lade hi u la bah noh ïa ki pop jong ngi ha ka met jong u halor kata ka dieng, ba haba la ïap noh sha kita ki pop, ngin ïoh im sha ka hok, uba da ki jingsngem snam jong u la pynkhiah ïa phi.
6. Ka dei ka mon U Blei ba ngin khiah khrat. 3 loannis.l:2. Ko hep baieit, nga duwai ba ha kiei kiei baroh men roi bad ba men khiah khrat, kat kumba ka roi ka mynsiem jong me.
7.Kine ki dak ruh kin bud ïa kita kiba ngeit. Markos.16:17-18. Kine ki dak ruh kin bud ïa kita kiba ngeit; ha ka kyrteng jong nga kin ïabeh noh ïa ki ksuid, kin kren da ki thylliej bathymmai; kin rah noh ïa ki bseiñ, bad lada kin dih ei ei ruh kaba pynïap, kan ym pynsniew ïa ki keiñ; kin buh ïa ki kti ha kiba pang, bad kita kin khiah.
8.U Blei u long ka ding kaba bam duh. Deuteronomi.4:24. Naba U Trai uba U Blei jong me u long ka ding kaba bam duh, U Blei uba thut shen.
Hebru.12:29. Namar U Blei jong ngi u long ka ding, kaba bam duh noh. l Korinth.3:16. Phi phim tip ba phi long ka iingshong U Blei, bad ba U Mynsiem U Blei u shong sah hapoh jong phi?
Kano kano ka jingpang ne ka jingïapkhlam da ka wan ha ka met kiba ngiet, ka ding U Blei kaba don hapoh ka met jong kiba ngeit, kan bam duh noh ïa ka jingpang bad ïa jingïapkhlam, namar ka dei ka mon U Blei ba ngin khiah khran bad U Trai Jisu Khrist U la dep ban bah noh ïa ki jingkhrew bad jingpang jong ngi. Amen!
B) Ka nemsniew.
1.Ka nemsniew ha ka por U Joseph.
Jenesis.41:30. Hynrei hadien jong ki kin mih ki hynñiew snem da ka nemsniew; kumta yn sa klet noh ïa kata ka jingdap kyrhai baroh Iyngba ka ri Ijipt; bad kata ka nemsniew kan pynjot noh ïa ka ri.
2. U Blei U da u sumar ïa ki bangeit hapdeng ka nemsniew.
Jenesis.4S:6-7. Namar la lah don arsnem Iypa na ka nemsniew hapon kane ka ri: bad ki dang sah sa san snem, ha kiba yn ym don ba lur lane ba ot.Bad U Blei u la ïalam ïa nga keiñ ha shuwa jong phi ïa ka ban pynsah ïa kiba na phi ha ka khyndew, bad ïa ka ban pynim ïa phi ïa phi da ka jingpvllait im bakhraw.
3. U Blei U kyrkhu ïa ki bangeit hapdeng ka nemsniew.
Jenesis.26:1,6,12-14. Bad ka la don ka nemsniew ha kata ka ri, nalor kata ka nemsniew kaba don mynshuwa ha ki sngi jong U Abraham. Bad U Isaak u la Ieit sha U Abimelekh u syiem ki Philistia sha Gerar. Bad U Isaak u la shong sah ha Gerar. Bad U Isaak u la bet ha kata ka khyndew, bad u la ïoh kynshew ha kata ka snem ïa kaba shispah shah. Bad U Trai u la kyrkhu ïa u. Bad uta u briew u la man bha, bad u la nang kham khraw kham khraw, bad u la nongroi ruh ha ban da u ïa jia lang uba khraw eh. Namar u la don
ruh ka spah da ki kynhun langbrot, bad ka spah da ki kynhun masi, bad ki shakri shynrang batrei Iyngkha babun eh; katba ki Philistia ki la ïabishni ïa u.
4. U Blei u pynpaw ha la ki shakri. Amos.3:7. Shisha U Trai U Blei un ym leh ei ei, khlem da pynpaw ïa la ka jingthmu ha ïa ki shakri ki nongïathuhlypa.
Shuwa ban pynhap slap halor Ka Sodom bad Gomorra da u kyndok bad da ding na U Trai na bneng.(Jenesis.19:24.)
Jenesis.18:17-18. Bad U Trai u la ong, Ngan buhrieh na Abraham ïa kaba ngan sa leh? Naba U
Abraham shisha un man long ka jaid bynriew kaba khraw bad kaba donbor, bad ha u yn kyrkhu ïa ki jaidbynriew baroh jong ka pyrthei.
Jenesis.20:7. Mynta te to da ai noh pat ïa ka tnga uta u briew(Abraham); naba u long u nongïathuhlypa, bad un ïoh duwai na ka bynta jong me, bad me ïoh im: hynrei lada mem da ai noh pat ïa ka, to tip me ba shisha men ïap noh, ma me, bad baroh kat kiba dei ki jong me.
Ha ka por U Joseph.
Jenesis.41:28-30.Kane ka long kata ka ktien ïa kaba nga la ong ha U Pharoah: ïa kaba U Blei un sa leh, ïa kata keiñ u la pyni ha U Pharaoh. Ha khmih, ki hynñiew snem kin wan bad kaba dap kyrhai Iyngba ka ri Ijipt baroh kawei. Hynrei hadien jong ki kin mih ki hynñiew snem da ka nemsniew; kumta yn sa klet noh ïa kata ka jingdap kyrhai baroh Iyngba ka ri Ijipt; bad kata ka nemsniew kan pynjot noh ïa ka ri.
Ha ki por ki Apostol.
Ki Kam ki Apostol.11:27-30. Te ha kine ki sngi ki la wan hiar ki nongïathuhlypa na Jerusalem sha Antiok. Te uwei na ki uba kyrteng u Agabos u la ïeng joit, bad u la ïathuhlypa da U Mynsiem ba ka nemsniew bakhraw kan sa long ha ka pyrthei baroh, kaba la jia ruh ha ki sngi U Klaudios.Te kita ki synran uwei pa uwei na ki katba u don ïa ka bor, ki la ïathmu skhem ban phah ka jingïarap ha ki para bangeit kiba shong ha Judia: ïa kata ruh ki la leh, ki da phah lam ïa ka sha ki tymmen basan da ki kti U Barnabas bad U Saul.
K) Ha kaba wai noh.
1. Wat sheptieng.
Mathaios.28:20 .Ha khmih ruh nga ngan long ryngkat bad phi ha la ka sngi, haduh kaba wai noh ka pyrthei.
2.Duwai.
Philipi.4:6-7. Wat khuslai ïa kaei kaei ruh: hynrei ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ia ki jongpan jong phi sha U Blei. Te kata ka jingsuk U Blei, kaba palat ïa ka jingshemphang baroh, kan ri jai jai keiñ ïa ki dohnud jong phi bad ïa ki jingmut jong phi ha U Khrist Jisu.
3. Pynhapoh ïalade ha ki bor kiba ha khlieh.

Rom.13:1-2. To ai ba ka mynsiem baroh kan pynhapoh ïalade ha ki bor kiba ha khlieh. Namar
ym don kano kano ruh ka bor Iymda na U Blei: te kita ki bor kiba don, ba buh beit ïa ki da U Blei keiñ. Kumta keiñ uno uno ruh uba ïeng ïaleh pyrshah ïa kata ka bor, u ïaleh pyrshah ïa kata ka jingbuh beit ka jong U Blei: te kita kiba ïeng ïaleh kumta kin ïoh pdiang ïa ka jingpynshitom ha lade hi.