Press "Enter" to skip to content

Ka rukom ialeh pyrshah ka thaiñ shatei lammihngi ïa ka khlam Corona

Harum kalong ka jingthoh jong ka article na u Myntri khynnah jong ka Sorkar Pdeng ba dei khmih ïa ka roi ka par jong ka thain shatei lammihngi, Dr Jitendra Singh halor ka jingïaleh pyrshah ïa ka khlam Corona.
“U Myntri Rangbah duh jong ka ri, u Narendra Modi u lah ïai ñiew kongsan ïa ka thaiñ shatei lammihngi. Shen hadien ba ka Sorkar jong u Modi ka la shimti ha u snem 2014, u Myntri Rangbah duh ka ri u lah ong yn wanrah man ka jingpyrshang ban pynïaryngkat ïa ka thain shatei lammihngi bad ki thaiñ kiba lah kham kiew ha ka roi ka par jong ka ri. Ha ki hynriew snem ba la leit, ngi lah ïoh katto katne ka jingjop bad ym tang ha ka rukom pyrkhat kaba la lah ban weng ïa ki jingeh hynrei ka jingsted ha ki kam pynroi, kaba pyni ïa ka thain shatei lammihngi kum ka nuksa jong ka roi ka par.
Ka jingkiew ha ka jingphaikhmat ba kongsan ha baroh ki lïang jong ka thaiñ shatei lammihngi lah sakhi wat ha kane ka por ba don ka khlam Corona, la kalong ha ka dur jong ka jingkloi bad ka jingbit jingbiang ban pynpoi tiar lyngba ki liengsuiñ kit ïa ki tiar ba kongsan lane ka jingkloi ban khang dam ïa ka thaiñ khappud bad kiwei kiwei ki ri lane ka jingïashim bynta shitrhem jong ki shnong ki thaw ha ka ban pyntreikam ïa ki jingbthah kum ka jingpynïajngai iwei na iwei bad kiwei kiwei.
Ka resol kalong ba, lada hapoh ka sorkar jong u Modi ha kine ki hynriew snem ba la leit ka thaiñ shatei lammihngi ka la long kum ka nuksa jong ka roi ka par, ha ki hynriew bnai ba la leit ka thaiñ shatei lammihngi ka lah long kum ka nuksa ha ka jingïaleh pyrshah ïa ka khlam Corona.
Ha ka jingshisha, ki sienjam ba kongsan ba lah shim da baroh ki Jylla ka thaiñ shatei lammihngi ryngkat bad ka jingkyrshan ba lah ïoh na ka Sorkar India ka lah ïarap ïa ka thaiñ ban leh kham bha haba ïanujor bad ka ri baroh kawei. Ka jingkheiñ kaba pynshisha ïa ka jinglah ban ïaleh pyrshah ka thaiñ shatei lammihngi lah pynpaw ha ka table harum:
Table: Weekly Cumulative COVID-19 Status in the North Eastern Region
Sl. No Date Cases tested Negative Cases Positive Cases Persons Cured Deaths
1 7 .4.2020 2931 2800 32 0 0
2 14.4.2020 5017 4696 38 1 1
3 21.4.2020 9580 9160 53 23 2
4 28.4.2020 16022 15782 55 32 2
5 5.05.2020 22849 21719 88 48 2
6 12.5.2020 37120 34962 235 55 3
7 18.5.2020 60063 57573 291 142 4
Ka jingjop jong ki sien jam ba lah shim da ki jylla ka thaiñ shatei lammihngi ka paw shai na ka jingshisha ba ka Sikkim bad ka Nagaland kim don wat tang kawei ka case positive haduh mynta. Ka Arunachal Pradesh bad Mizoram ka don mar iwei i nongpang, kiba lah ioh jingkoit.
Ka Meghalaya ka don 13 tylli ki case ha hospital ha Shillong namar ka jingdon uba wan nabar ri, kaba lah ïalam sha kawei ka jingïap, hynrei baroh kiwei pat ki la ïoh jingkoit bad ka Meghalaya ka la long ruh ka jylla kaba la lait na ka khlam COVID mynta.Ha kaba ïadei bad kane,haduh mynta ka sngi, san tylli ki jylla jong ka thaiñ NE ba kynthup ïa ka Arunachal Pradesh, Meghalaya, Mizoram, Nagaland bad Sikkim kilong ki jylla kiba lah lait na ka COVID-19. Ka jylla kaba heh tam ha ka thaiñ shatei lammihngi, ka Assam ka don katto katne ki case, hynrei ka Jylla ka la lah ban tehlakam bha ïa kane ka jingpang bad ka la lah ban tehlakam ïa ka ha ki thain. Kumjuh ruh, ka Manipur bad Tripura ki don mar artylli ki case, kiba lah ïoh ka jingkoit bad ïa kine ki jylla lah pynbna kum ki jylla ba la lait na ka COVID, hynrei ha ka taiew ba nyngkong jong u Jymmang namar ki briew kiba wan nabar kiba ïoh ka kane ka jingpang, ka Tripura ka lasakhi ïa ka jingkiew ha ki case khamtam ha ki shipai CAPF ba don hangtei. Ka Manipur ruh ka la sakhi 5 tylli ki case ba thymmai ha kine ki 3-4 sngi ba lah leit ba ïadei bad ki briew kiba wanphai nabar.
Ïa kane la lah ban pynurlong namar ka jingkloi ban treikam ka sorkar pdeng bad ki sorkar jylla ha ka jingpyntreikam pyrkhing ïa ki pakhang shnong, ka jingkloi ban pynpoi ïa ki dawai bad ki tiar lyngba ka liengsuiñ kit tiar bad ka Air Force; ka jingkloi ban kyntiew ïa ki jingdonkam ha ka jingtest, ka jingkyntiew ïa ki jingdonkam ha ka koit ka khiah ba ïadei bad ka COVID bad ka jinglah ban pynbiang ki jingpynpoi ïa ki mar ba kongsan sha baroh ki nongshong shnong lyngba ka PDS bad sha ki bynta ba kham tlot ha ka imlang sahlang lyngba PM Garib Kalyan Anna Yojana.
Ka Sikkim bad ka Nagaland kim don kino kino ki jaka test katba ka Assam ka don tang 2 tylli.Ha kine ki por, la lah ban pynkiew ïa ka jingdon ki jaka test sha baroh ki Medical College ha Assam. Ka lab ha Kohima, Nagaland mynta ka lah treikam bad ka Sikkim TrueNAAT lah sdang ïa ka jingtest katba ka RT-PCR lab shen kan sa sdang treikam. Kumta namar ka jinglah ban kyntiew ïa ki jingdonkam ha ka jingleh ïa ki test ha ka thaiñ, ka jinglah ban test mynta ha ka thain ka la kiew na ka 2931 ha ka taiew ba nyngkong jong u Ïaiong 2020 sha ka 60063 hapdeng u bnai Jymmang, 2020, na ka jingkheiñ jyllum kaba 300 shi sngi sha ka 3800 shi sngi ha kane ka por. Kaba lah ïalam sha ka jingkloi ban ai jingsumar ha kano kano ka por ba donkam.
Ïa ki sien jam jong ka pakhang shnong ha baroh ki jylla ka thaiñ shatei lammihngi lah pyntreikam bha. Ym tang ha ki thaiñ khappud jong kawei ka jylla bad kawei pat, hynrei ruh ha ki jylla ka thain shatei lammihngi kaba ïasam palat 5000 kilometer ki thain khappud bad kiwei ki ri kiba lah pahara pyrkhing da ki shipai bad ki nongshong shnong jong ka thain. Ki Jylla ki la wanrah ïa ka Task Force hapoh ka jingïalam ki Chief Secretary ban peitngor ïa ka jinglong jingman. Kumjuh ruh, la thung ïa ka District level Task Force hapoh ka jingkhmih ki District Collector ban peitngor ïa kane ka jingpang. Lah plie ïa ki Control room ha ki kyrdan distrik. Kaba kongsan hapdeng ki jylla NE kalong ka Sikkim, ha kaba lah pynsangeh ïa ki Inner line permit na ka bynta ki briew kiba nabar ri ha ka 5 tarik Lber, 2020 bad lah khang ïa ka Nathula pass na ka bynta ki nongjngoh kai ha ka thaiñ.Shuh shuh, lah khang ïa ka jingrung ki nongjngoh kai na ka ri sha ka jylla ha ka 16 tarik Lber, 2020, kaba la long kham hashuwa ban sdang ka pakhang shnong ha baroh kawei ka ri. Kane ka lah pynthikna ba ka Sikkim kaba long kawei na ki jaka jngoh kai ba pawnam tam ka la long ka jylla kaba lalait na ka COVID-19.
Ka ‘red army’ jong ki rangbah bad ki longkmie kiba stad ki ïarap ïa ki shnong ha kylleng ki katto katne ki jylla rilum ha ka thaiñ shatei lammihngi ban pyllait na ka novel corona. Ki gaon bura (ki rangbah nongpynïaid shnong) bad ki gaon buri (ki longkmie ha ka shnong) – bunsien la ju khot ïa ki kum ki GB naduh ka jingbud ïa ki pateng jong kiba la leit ha ka rukom ban ïada hapdeng ki shnong bad ki nongshun- ha kane ka rukom, u khnïang jingpang u la ïarap ïa ki Jylla kum ka Nagaland ban ïakhun ïa kane ka khlam. Kiba ïarap ïa ki GB ha Nagaland kilong ki dobashi, kiba long ki nongïada ïa ki aiñ tynrai jong ki Naga, kiba phong ïa ki coat ba saw kilong ki nongtrei sorkar naduh u snem 1842 kiba trei hapoh ka sorkar jylla ban pynthikna ba baroh ki ioh ïa ki jingdonkam.
Ka imlang sahlang jong ki Mizo ki long kawei na ka imlang sahlang kaba ïatylli bad ïatreilang jong ka ri. Ka jinglong kyrpang jong ka, ka paw ha ki jaka ki pynpaw ïa ki kynhun ha ka imlang sahlang kiba don kti bad ki briew kiba shemphang, ki seng trei mon sngewbha, ka Balang bad ka shnong ka thaw. Ha Mizoram ki briew kilong shisha kiba don akor bad ki bud ïa ka jingpynïajngai iwei na iwei shisien ba ki mih na ïing. Ka jingpyntreikam ïa ka pakhang shnong ha ka thain khappud bad kawei ka ri kalong shisha ka kam kaba khraw kaba lah ai namar ka jingtlot ha u pud u sam. Hynrei, ki kynhun shnong bad ki task force jong ka thain ki la ïeng skhem ban tehlakam ïa ka jingtuid jong ki briew. Kumjuh ruh, lah shim jingkhein ïa ki nongtrei kiba nabar kiba dei na ki bynta ba jngai jong ka ri ban ai jingïarap ïa ki ha kane ka por. Jan khatsan hajar kine ki nongtrei kiba nabar ki lah ïoh jaka sah bad ka bam ha baroh ki por jong ka pakhang shnong.
Ka jylla jong ka Manipur ka lah hikai ïa ka ri baroh kawei umno ban pyntreikam kham bha ban pynthikna ïa ka jingïajngai iwei na iwei da kaba dro pyllun hakhmat ki dukan. Baroh ki kynhun ha ka imlang sahlang ha kylleng ka thain NE ki lah ïarap ban pyntreikam ïa ka pakhang shnong bad ka jingïajngai iwei na iwei.
Ka Ministry of Civil Aviation (MOCA), Ministry of Defence (MoD) bad ka Ministry of Railways ki laleh ïa ka kamram kaba kongsan ban pynbiang ïa ka jingpynpoi dawai bad ki tiar ai jingsumar bad ki tiar ba kongsan sha ki jylla ka thain shatei lammihngi. Lah pyntreikam ïa ki liengsuin Lifeline Udan da ka MoCA ban pynkit ïa ki tiar ai jingsumar sha ki bynta ba kyndong jong ka ri ban kyrshan ïa ka jingïakhun ka India pyrshah ïa ka COVID-19. Ki mar ba kongsan ba lah pynkit kilong ki reagent, enzyme, ki tiar ai jingsumar, ki tiar test, ki Personal Protective Equipment (PPE), ki mask, ki glove bad kiwei kiwei ki jingdonkam ba ki nongïaleh pyrshah ïa ka Corona Warriors across the coi donkam ha kylleng ka ri. Lyngba ka liengsuin Lifeline Udan, ka jingpynkit ïa ka G2G ha ka thaiñ na ka bynta ki jingdonkam ba ïadei bad ki tïar sumar ban pyndap ïa ki jingdonkam kumba lah pynpaw da ki sorkar jylla da kaba pyndonkam ïa ka liengsuiñ Air India bad Allïance Air kalong kaba ïarap bha ha ka thain. La lah ban phah ïa ki mar bam, ki dawai bad ki mar ba kongsan ba donkam da ki longïing bad ki hospital shimet bad kiwei kiwei, bad kumjuh ki mar bad ki machine ba donkam da ki jaka shna dawai ha ka ri bad ki karkhana ba shna ïa ki tiar ai jingsumar da kaba pyndonkam ïa baroh ki liengsuin jong ka sorkar bad ki liengsuiñ shimet bad ka liengsuiñ kit tiar. Lah pyntreikam ruh ïa ka jingshakri jong ka Helicopter ba kynthup ka Pawan Hans Ltd ha ka thaiñ shatei lammhngi ban pynkit ïa ki tiar jingsumar ba donkam bad ki nongpang. ka Pawan Hans haduh ka 30 tarik Ïaiong, 2020 ka lah pynkit 2.03 ton ki mar da kaba kynthup ka jingjngai kaba 7,529 km. Ka portal ban pyntreikam ïa ki liengsuiñ Lifeline Udan lah shna da ka National Informatics Centre
(NIC) bad ja MoCA ha ka por kaba tang lai sngi ban lah ka jingïaid beit ïaid ryntih hapdeng ki kynhun bapher bapher ba ïa don bynta.
Kam don kano kano ka jingeh ha ka jingpynpoi ïa ki mar ba kongsan bad ka jingpynbiang ha ka thaiñ. Kum shi bynta ka mission jong ka ban pynthikna ïa ka jingpynpoi tïar kaba khlem jingthut ha ka thaiñ shatei lammihngi ha kane ka pakhang shnong ha baroh kawei ka ri, ka Northeast Frontier Railway (NFR) kaba don ïa ka headquarter ha Maligaon ka lah pyntreikam palat 100 tylli ki rel kit tiar haduh mynta, ban wanrah ïa ki tiar bapher bapher na ki nongbah pynmih tiar kum ka Delhi, Mumbai, Nagpur, Bengaluru bad Kolkata kiba lah wanpoi ha Guwahati, New Guwahati, Azara, Changsari, Agartala bad New Tinsukia ha kine ki shibnai shiteng ba la leit. Ha kiba bun ki jylla, lah plie ïa ki Home Delivery Supplies Management Control Room. Ki Sorkar Jylla ki lah ai jingïarap pisa sha ki briew jong ka kiba sahkut shabar jylla kiba mad jingeh namar ka pakhang shnong.Ki Sorkar jylla ki la sam ruh ïa ki jingïarap ba donkam sha ki briew ki bym don hapoh ka NFSA.
Ka jingsam khaw sha ki nongïoh jingmyntoi hapoh ki 3 tylli ki skhim ba kynthup ïa ka NFSA, PMGKAY bad ka OMSS(D) ka dang ïaid lyngba ki Deputy Commissioner bapher bapher sha ki nongïoh jingmyntoi jong ka NFSA bad ki bym dei kiba ïoh ïa kane ka jingmyntoi. Ki sorkar ki la ai ruh ïa ki mar bam ba tyrkhong sha ki briew kiba nabar, ki nongñiah trok ba sahkut, ki nongtrei sorkar, ki khynnah bad kiwei kiwei ki kynhun ba tlot.
Ha Miozoram, la plie ïa ka Covid Task Force ha ka jylla, distrik bad ha ki shnong.Ka task force ha ki shnong ka kynthup ïa u briew ba pawkhmat ha manla ka shnong. Ki dei shi bynta ka Young Mizo Association bad ki village/local council. Kine ki briew ki lah pynthikna ka jingïaid beit ïaid ryntih ka jingpynpoi ïa ki tiar ba kongsan, ka jingwad ïa ki briew ba don ïa ka jingpang bad ka jingbud pyrkhing ïa ka jingïajngai iwei na iwei.Ka jingpynpoi ïa ki mar ba kongsan lah pynïaid khlem kano kano ka jingthut bad buh jingeh ïa ki paidbah ha Mizoram.
Ban ïakynduh ïa ki jingdonkam ba kyrkieh jong ka jingpynpoi ïa ki tiar ai jingsumar bad ki tiar, ka tnat ka koit ka khiah jong ka sorkar pdeng ka lah pyllait pisa T.235.59 klur ha u bnai Lber bad Ïaïong sha baroh ki Jylla ka thaiñ NE ba ïadei bad ka jingpang COVID-19. Hynrei, Ki don katto katne ki tiar bad ki jingdonkam kiba khlem kynthup hapoh ka jingïarap jong ka tnat ka koit ka khiah jong ka sorkar pdeng.Ka tnat Development of North Eastern Region jong ka sorkar pdeng ka lah mih shakhmat bad mang pisa T.25 klur sha ki Jylla NE kum ki untied fund ban pynbiang ïa ki jingdonkam ba kyrkieh, kaba ym lah ban pynbiang hapoh kiwei kiwei ki jingïarap jong ka Sorkar India.
Ka Sorkar Pdeng ka lah pyllait mardor ïa ki fund sha ki sorkar jylla ban lah ban ïaleh pyrshah kham bha ïa ka COVID. Ka Sorkar pdeng haduh mynta ka lah pyllait baroh T. 7923.78 klur sha ki Jylla NE (Arunachal Pradesh- T. 935.28 klur, Assam T. 3090.64 klur, Manipur – T. 822.22 klur, Meghalaya – T. 467.02 klur, Mizoram – T. 493.46 klur, Nagaland – T. 937.12 klur, Sikkim – T. 278.30 klur bad Tripura – T. 899.74 klur) naduh u bnai Ïaïong,2020 hapoh ki installment jong ka jingduna jingïoh jong u bnai Ïaïong bad Jymmang 2020, ka installment ba nyngkong ka bhah jong ka sorkar pdeng ha ka State Disaster Response Mitigation Fund (SDRMF) bad ka bhah jong ka jylla ha ki Khajna sorkar pdeng.
Ka jingpynbna ïa ka song jingïarap pisa ba kyrpang da ka sorkar pdeng ban kyntiew ïa ki kam karkhana khamtam ka MSME bad ka song jingïarap ïa ka rep ka riang ba kynthup ki kam ri jingri bad kam ri dohkha ban kyntiew ïa ka jinglong ka kamai kajih bad ban wanrah ka jingkylla kaba thymmai ha ki karkhana barit ka ban long u budlum jong ka thaiñ shatei lammihngi.
Ka jingeh ka ban wan ha khmat ki jylla ka thaiñ shatei lammihngi kalong ban pdiang ïa la ki briew jong ka kiba sahkut ha ki bynta bapher bapher jong ka ri kiba wanphai ïing. Ki rel ba kyrpang ki la sdang ban wanpoi bad ki jingpynbeit ba laleh haduh mynta ïa ki nongwan ban buh shuwa ïa ki ha ka jingpynshong kyrpang hashuwa ba kin ïakhleh bad kiwei kiwei ki briew. Lah leh ïa ki test ban pynthiah marwei ïa u briew uba long positive bad ban sumar ïa ki ha ki jaka ba lah pynkhreh. Ki jingpyrshang jong ka Sorkar pdeng bad ki kam ba kyrpang jong ka Tnat DoNER ka la long kaba jop ha ki mynsiem jong ki briew. Ka thaiñ ka lah pynkhreh bad ban ïakynduh ïa kino kino ki jingeh ba lah ban mih ha ki por ban wan.”