Press "Enter" to skip to content

Kyntu u Batra ïa ka NOC bad NSF ban phah test ïa baroh ki nongtrei

New Delhi, Jymmang 31: U Presdident ka Indian Olympic Association (IOA) u Narinder Batra u la kyntu ïa ka National Sports Federations (NSF) bad ïa ka National Olympic Committees (NOC) ba kin phah test COVID-19 ïa baroh ki nongtrei hadien ba ki nongtrei jong ka Hockey India ki la ïoh pang cornavirus hadien ba ka test jong ki la lap ba ka long positve ha katei ka sngi Saitjaiñ.
Ar ngut ki nongtrei ba kynthup ïa uwei u nongtrei ba dei peit ïa tnat pisa bad wei u nongbud ïa ki ophisar, la shem ba ka test jong ki ka long positive hadien ka jingtest ba la leh ha ka sngi Thohdieng.
“Nga kyrpad bad ai jingmut ïa ka NOC, ka NSF bad ïa ka SOA ba phin sngewbha ban phah test ïa baroh ki nongtrei bad ki dkhot khlem da pynslem,” ong u Batra ha ka kyrwoh khubor.
“Kane kan ïarap bad ai jingshngaiñ ïa ngi bad ruh ïa ki athlete bad ki Elite AthleteT,” u la bynrap.
Hadien ka jingtest positive ïa kitei ki ar ngut, ïa ka ophis treikam jong ka Hockey India yn dang khang haduh 14 sngi, bad la bthah ruh ïa ki 25 ngut ki nongtrei kiba ka test jong ki ka long negative ba kin bteng ban trei ïa ki kam na la ïing.
“ïa kitei ki arngut la phah shong khop ha ïing ha ryngkat ki jingai jingsumar katba ïa ki arngut kiba ka test kam da shai bha yn phah test biang sa shisien,” la pyntip u Batra.
U Batra u la pyntip ba kitei ki arngut kiba la test positive kidei kiba trei ha ki ophis ha Faridabad bad New Delhi. U Batra, ïalade ruh u don hapdeng ka jingset slung hadien ba u kpa jong u la lap ba u la ïohpang coronavirus.