Press "Enter" to skip to content

ïakynduh jingeh ki nongkhaïi Mawshun ba don laisen ka thaiñ Amlarem, Nongtalang Shillong, Nohprah:Na ka liang ki nongshalan Mawshun (Lime Stone) kiba la don laisen jong ka thaiñ Amlarem, Nongtalang, West Jaiñtia Hills, ki pynpaw ka jingsngew lyngngoh halor ka kam kit Mawshun da kaba pyndonkam da ka challan kaba dei na kawei pat ka jaka bad kit pat ïa u Mawshun na kawei pat ka jaka. Na ka liang kine ki nongshalan lyngba une u kyrwoh kila pynpaw ba ki kwah ban tip ba ka tnad Forest kaba ai ne issue Challan ba kalong beaiñ ne em ban shim shalan na shawei bad kit ïa ka mar na shawei pat.Hato ka tnad Forest ka ju check ne em ïa ki challan jong ki nongkit mar kiba wan na kawei pat kajaka bad kiba kit ïa ka mar na kawei pat ka jaka namar kumba la ïohi hi ba bun ki nongkit mar ki don ïa ki challan kiba dei na ka thaiñ Lumshnong, Saipung, kiba hap hapoh East Jaiñtia Hills bad kit pat ia ka mar na Nongtalang, West Jaiñtia Hills. Kumta kila ong ba lada katei ka challan kam long beaiñ, kata ka mut ba ma ki ruh kiba la don ïa ka laisen kim donkam shuh ïa ka, hynrei kin shu ïa thied paidbah lang ïa ka challan na ka bynta ban kit mawshun. Kumta halor kane ka bynta na ka liang ki nongkhaïi mawshun ki kyntu jur ïa katei ka tnad ba dei khmih ba kan shimkhia bad pynshai halor katei ka bynta khnang ba kan ym ktah ïa ka kamai kajih jong ki nongkhaïi kiba la don ïa ka laisen kaba kila ïoh na ka sorkar.

ïakynduh jingeh ki nongkhaïi Mawshun ba don laisen ka thaiñ…