Press "Enter" to skip to content

Tura, Rymphang 18 : Ka tnad kam khlaw ( Forest) jongka sorkar jylla mynta ka sngi ka la leit khang khyrdep ïa 7 tylli ki karkhana shna maw it beaiñ ha ka thain Phulbari, West Garo Hills. Kane ka tnad sorkar ka la shim khia bad leh ïa kane hadien ba ka la ïoh ka jingujor ïa ka jingmih kitei ki karkhana kiba la pynjulor ïa ka mariang bad ktah ïa ka koid ka khiah ki paidbah na ka jingjur palat ka jingmih tdem na kitei ki karkhana namar kitei ki karkhana ki don shajan ki shnong briew. Ka tnad kam khlaw ka la leit khang khyrdep ïa kitei ki karkhana beaiñ hapoh ka jingalam u Magistrate P.R Sangma bad BDO jongka Demdema namar kiba bun kine ki jaka ki hap haph ka jingpeit jong u BDO ka Demdema. La ïathuh ba kane ka jingleit talasi bad khynra ïa kitei ki karkhana shna maw it beaiñ ka dang ïai bteng beit namar tang ha ka thaiñ Phulbari kine ki karkhana shna maw it beaiñ ki don ym duna ïa ka 60 haduh 70 tylli. La ïathuh tang kitei ki 7 tylli ki karkhana kiba la khang khyrdep ruh ki la pynjulor ym duna ïa ka 50 acre ka jaka rep jaka riang jong ki paid nongrep ka thaiñ Phulbari. Kine ki karkhana beaiñ ki dei kiba ym shym la ïoh jingbit naka sorkar bad ki khlem siew khajna hi ruh sha ka sorkar. La ïathuh ba ka tnad kam khlaw kan dang leit khang shuh shuh ïa kiba bun ki karkhana beaiñ ha katei ka thaiñ. “ Ngin dang ïai bteng ban leit khang tala ïa kine ki karkhana beaiñ namar kim don ki kot ki sla kiba biang hynrei ki mih ban pynjahklia ïa ka mariang kaba ktah ruh ïa ka koid ka khiah ki paidbah” ong u Ranger ka Holaidanga Range u Tengban Marak. Ki seng bhalang ki la ïaroh ïa ka jignshim khia ka tnad kam khlaw jongka sorkar jyulla namar kine ki karkhana ki dei kiba shu mih beaiñ khlem da ai jingmyntoi ïa ka sorkar jylla ne ïa ki paidbah ruh.

Tura, Rymphang 18 : Ka tnad kam khlaw ( Forest)…