Press "Enter" to skip to content

Mawkyrwat, Jylliew 24: Kum ban bteng ïa ka jingmana ba la pynmih ha ka 30 tarik Jymmang, 2020 ba la pynmih da ophis jong ka Deputy Commissioner, South West Khasi Hills District, Mawkyrwat katkum ka hukum ba la pynmih da ka Political Department ha ka 29 tarik, Jymmang, 2020 lyngba u Chief Secretary jong ka Sorkar Meghalaya, ka ophis ka la shah biang sa ïa ki katto katne ki kam ne ki jingtrei hapoh ka District naduh ka 01 tarik Jylliew, 2020. Ki jingïalehkai ki bym don jingtyngkhuh briew (Non-Contact Sports) bad ki jingïalehkai ba long shabar (Open air Sporting) kum ka Archery, Shooting, Athletics (running). Hynrei yn ym pat shah ban plie ïa ki gymnasiums bad Indoor Stadiums. Kitei ki jingïalehkai ba la shah kin hap ban ïaid katkum ka SOPs bad katkum ki jingbthah napoh ka ophis jong u District Sports Officer, South West Khasi Hills District, Mawkyrwat ba la pynmih ha ka 02 tarik Jylliew, 2020. Ki jingïalehkai bym tynkhuh briew ki long ki jingïalehkai kiba lah ban pynlehkai ha ryngkat ka jingbud ryntih ïa ki kyndon pynïajngai parabriew haba pynïalehkai. Ki jinglehkai bym tyngkhuh briew ki lah ban sdang ïa ka jingkilan met bad ban pynbyrngïa ïalade. La shah bad pynshlur ban ïalehkai biang ïa ki jinglehkai shabar (Open air Sporting) ki bym donkam ban ïajan bad ki para nongïalehkai kum shibynta ban khiah krat bad yn ym shah ban pynlong jingïalehkai ïakop. Ïa mynta shipor baroh ki jingïalehkai ba don jingtyngkhuh briew (direct or indirect) kum ki gymnasiums bad swimming pool yn ym pat shah tat haduh ban da pynmih da kawei pat ka hukum. Ka jingsdang biang ïa ki jingïalehkai ha ka rukom ba kyndiat ban pynlong ha ki stage fashion bad Sports Organisation/Associations/Clubs kitei ban pynlong ha kata ka rukom ba ki briew ha ki kynhun barit ki lah ban bud ïa ka jingïajngai ba 2 meter ei ei na uwei pa uwei ne na kawei ka kynhun shbar ka kynhun jongki ha ka por ba ïalehkai. Ki Athletics kiba kwah ban kilan met hi ha ki madan shnong ki dei ban pyntip ïa ki Myntri Shnong bad ban ïoh jingbit na ki. Ki dei ruh ban pynbiang ïa ka Signed Consent Form (ka phorm mynjur lang ba la ïasoi da baroh arliang). Ka jingphikir ha ka por training kata ki Lah ban pyndep ïa baroh ki jinghikai ha ryngkat ka jingbud ryntih ïa ka rukom pynïajngai para briew bym duna ïa ka 2 meter, ka jingpynhikai kam dei ban tam ïa ka shi kynta man ka sngi, ki pleïar ki coach kiba sdang ban jyrhoh/synriah na kano kano ka daw, ki dei ban kynriah kham pajih na kiwei tat haduh ba ka jingjyrhoh/synriah ka la duna, yn ym shah ban don ki nongpeit kai hapoh ka centre ha kano kano ka por. Tang ki athletes bad ki training staff ki dei ban don ha ka jaka. Ki pleïars ki dei ban deng ïa ka jingda khmat ha ka por ba kim don bynta ha ka jinghikai, baroh ki nonglehkai ki dei ban wanrah la ki jong ki towel, ki bitor um bad kiwei kiwei ki jingdonkam shimet Ki pleïar ki dei ban mih na ka jaka training bran bran hadien ba la dep training. Ki nongïalehkai kidei ban pyndonkam da la ki jong ki tiar ïalehkai ka ryntih, suloi, golf clubs, shylliah yoga, bad kiwei kiwei khlem da pyndonkam lang bad kiwei bad hadien ba la dep pyndonkam dei ban da kynshait dawai barobor. Ïa ki jingïalehkai ba ïatyngkhuh mar met yn ym pat shah nuksa kum ka Football, Hockey, Volleyball, Basketball, Handball bad kiwei de, hynrei lada ki klob ne ki nongïalehkai ki kwah ban kilanmet tang na ka bynta ban shaid ban khlaiñ ki la ban pan jingbit kyrpang na ka Deputy Commissioner. Bad hadien ba ki la ïoh jingbit kidei ban pynkhuid bha ïa ki kti ha ka por training bad hadien ba la dep training. Ha ki jingkilan met yn ym shah ban tam ïa ka shiphew ngut bad ban bud ryntih ïa ka rukom pynïajngai parabriew ym duna ïa ka 2 meter. Ki Pleïar lane ki coach kiba sdang ban jyrhoh/synriah na kano kano ka daw, ki dei ban kynriah kham pajih na kiwei tat haduh ba ka jing jyrhoh/synriah ka la duna. Ïa mynta shipor ym dei ban pyndokam ïa ki Changing Room namar ba ki long setkut bad ki nonglehkai ki dei ban phong lypa ïa ki jaiñ ïalehkai na ïing ne ha madan. Baroh ki Sports Organization/Association/Clubs ki donkam beit ban don ka Sports COVID Committee ban peit ïa ki training sessions bad ban bthah ïa baroh ki pleïar lane ki nongai jinghikai kiba don ha man la ki jaka ai jinghikai ha madan ne indoor hall hapoh ka jingpeit jongki. U President jong ka Sports Organization/Association/Clubs u dei ban long u Chairman jong ka Committee bad u Zonal/Sector Officers yn long u ex-officio member. Kan don ka mandatory training ïa baroh ki dkhot jong ka Sports COVID Committee kiba la ïoh jinghikai shaphang u COVID-19. Ka Committee ka don kamram ban pyntreikam ïa baroh ki kyndon treikam bad ban bud ryntih ïa baroh ki jingbthah ban lap kham kloi ïa ki dak ki shin bad ban pyntip shaphang ka jingshitom ha ka kynhun ïalehkai.

Mawkyrwat, Jylliew 24: Kum ban bteng ïa ka jingmana ba…