««|Kwah ka NFR ban tuklar ka Sorkar MDA halor ka jingpyrshah lynti rel ha Jylla    ««|Iehkam u Yeddyurappa kum u CM ka Karnataka, yn thaw Sorkar ka Congress bad JD(S)    ««|Mar ´akhun dohiap u Dr Mukul bad u Conrad ban jop ha Ampati    ««|Pynsangeh kamai ki nong shong shnong Lumshyiap ´a ki kali Saw Maxi Cab    ««|Da ka ktien Garo ´alap election u Bah HM Shangpliang ha Ampati    ««|Ka ILP, ka ´ohkam ´ohjam, ka pule puthi bad ban ´ada mariang ka thong jong ka HYC    ««|Da ki tiar tynrai u Khasi dawa pynphriang ka KSU ha ka Shillong Street Festival    ««|Pynkup burom ka skul Mary Mount Mawtawar ´a u MLA ka Mawlai


Kumno ka Biometric System ka ktah ia ki khristan !

10 September, 2017

Kat kum ka jingiaid jong ka por bad ka jingdawa jong ka kam ka ri India kaba long ka ri kaba ar ka jingbun briew ha ka pyrthei, hadien ka China; ka la shim ia ka lynti ban pynthikna ba iwei pa iwei i nongshnong shnong i dei ban don ia ka jingithuh kaba kyrpang ne ka Unique identity. Ia kane la leh khnang ban lait na kiba bun ki jinglehtuh ne ki kyrteng thok kiba la jia ha baroh kawei ka ri khamtam lei ha kaba iadei bad ki skim iarap sha kiba duk tam bad ruh kito kiba ka sorkar ka ju iarap kyrpang na ka bynta kiba bun ki daw naduh ki samla pule bad kiwei pat lyngba ki scholarships bad kiba bun kiwei pat ki skim sorkar. Ha kane ka ri India ka sorkar ka la pyntreikam ia u Adhaar No.lyngba ki Adhaar Card hadien ba la shim ia ka biometric scan ia ki pyllew khmat bad ki kti jong ki nongshnong shnong.

Haba phai sha ka rukom pyniaid jong ka pyrthei la iohi ba kane ka jingleh ia ka biometric scan ban ai ia ka Identity Card sha ki nongshnong shnong ka long kaba myntoi shibun namar ba ki briew kim lah shuh ban thok ne leh klep. Ha u bnai ba la dep noh da palat 11 lak tylli ki Pan Card ka sorkar ka la pynduh noh ia ki halor ka nongrim ba la shem ba ki dei kiba la ioh na kaba thok ia ka sorkar ha kaba ujuh u briew u don haduh 4 ne 5 tylli ki Pan Card. La iohi ruh ba ka sorkar India kala kwah eh ban pyntreikam pura ia une u Adhaar No sha baroh bad ban pynlong beain lada ki nongshong shnong um don ia u No. Ha kaba iadei bad kane ka phang ka la don ka jingiatai wat hapoh jong ka Supreme Court kumba la lah ban ioh ha u bnai ba la dep.

Na ka liang jong ka Supreme Court halor jong ka jingdon jong ka jingujor ka la buh shuwa ia ka rai ba ia mynta ka jingpyndonkam ia une u Adhaar No. kan long ka mon laitluid ne voluntary. Hynrei naka liang jong ka sorkar ka la iaid shaid shaid sha baroh ki dong bad ki shnong ka jylla Meghalaya ban pyndep ia ka jingpynrung kyrteng bad shim ia ka biometric scan ia ki paidbah. Kat kum ba lah ban sngewthuh ia ka jingiasaid ha Supreme Court halor kane ka phang ka la long halor kata ka hok ban don ia ka hok longtrai ialade ne ka right to privacy bad kam kren shai ba ki paidbah ki lah ban leh ia ki kam ki jam wat la kim shim ia u Adhaar ruh.

Wat la kattei kita ki jingmyntoi la lah ban iohi na kaba pyntreikam ia u Adhaar No. Hynrei, une u No u la wanrah shibun eh ki jingartatien ha ka jingngeit jong kiba bun ki khristan namar ba ki ong ba ka iatyngkhuh ba kaei kaba la thoh ha ka Bible ha ka Jingpynpaw 13:16-18, "bad un pynlong ia baroh, ia ki barit barain ruh bad ki bakhraw batri, ia kiba riewspah ruh bad ia kiba duk, ia kiba laitluid ruh bad ia ki mraw, ba yn buh ha ki ia ka dak halor ka kti ka mon jong ki lane ka shayllangmat jong ki bad uno uno ruh un ym lah ban thied lane ban die hynrei tang uta uba don ia kata ka dak........". Kane ka rukom pyrkhat kala mih hadien ba ka la don ka jingong ba lada ym don ia u Adhaar No. ki paidbah kin yn lah ban die lane ban thied, wat ban sie pisa na Bank, ban leit pule ha ki skul bad ia baroh ki kam donkam beit ia une u Adhaar No. La iohi ruh ba ka long kumta ha kine ki sngi ba lada dawa ban dei ban don beit ia u Adhaar No. ha baroh ki kam.

Kane ka jingartatien ka la neh naduh ba la sdang ban pyntreikam nyngkong ia une u Adhaar No.Wat la na ka liang jong ki nongialam ki Balang Khristan ki la kren shngain ba kam don jingma ei ei ha kaba iadei bad une u Adhaar No. hynrei ka donhud jong kiba bun ki paidbah kam shym la suk satia bad wat la kiba khambun ki la iashim da ka mon sngewbha namar ka jingdawa ka sorkar, hynrei ki la don kiba bun bah ruh ki bym treh ban shim namar ki la ong "ba ki sheptieng ba ioh kadei kaei kaei kaba pynsngewsih ia U Blei" La iohi ruh ia kiba bun ki Article kiba la thoh da ki nongthoh bad batai ia ka jingmut bad ka nongrim jong u Adhaar No. ba la leh da ka Biometric Scan kiba ki la pyni ia la ka jong ka nongrim kaba ki sngew skhem.

La ioh jingtip ba ki la don wat ki samla pule kiba la pep noh wat ia ki jingpule ia ka Medical bad kiwei pat ki jingpule ruh tang na kitei ki daw. Hynrei kaba sngewsih ka long ba ym shym la don mano mano ba shim khia ban iasaid lem na ka bynta jong kane ka jingeh jong ki paidbah kaba ktah ia ka jingngeit jong ki. Hato kum ki nonghong shnong jong ka ri synshar paidbah kim don mo ia ka hok ba ka sorkar ban peit ia kane ka jingeh jong ki longiing khristan kiba artatien ia kane ka kam. Ki la don shibun ki jingsyier ba lah ban mih ha kane ka kam. Hato ka sorkar India kan ai mo kano kano ka lad ban pynjynsur kyrpang ia kine ki bangiet khristan.

Hooid, shisha kat kum ka jingngiet jong ki briew kan long kaba eh ban pynsngewthuh da kumwei pat, hynrei kyrmen ba kaba bha kan jia. Lada ka sorkar India kan pynurlong shisha ba yn ym lah ban sei pisa na Bank lada ym don Adhaar- Te la sngewthuh ba yn ym lah hi ban die ban thied khlem pisa- te kaei ban jia ia kitei ki riewngiet mo ?



¤atyngkhuh ka kali Sumo bad ka Trok ha Umdishit Mawsawa, ´ap 2 ngut

Shillong, Jymmang, 19: Ar ngut ki mynsiem briew ki la duh ei ´a la ka jong ka jingim mynta ka step sngi saitjai˝ ha kawei ka jingjia ´atyngkhuh kali ha ka shnong Umdishit Mawsawa kaba don hajan Mairan...MORE

Haka sien kaba nyngkong ´akynduhlang ki Red Cross Jai˝tia

Jowai, Jymmang 19: Ka Indian Red Cross Society Jai˝tia Hills District Branch kila pynlong ´aka jing´akynduhlang haka sien kaba nyngkong eh ha Lion Mission Compund Hall haka sngi Saitjai˝.
Kane...MORE

Sha u DG ujor ejahar u hymmen pyrshah ´a u SI

Shillong, Jymmang 19 : U bah Fanklin Shyrkon na Nongstoin, Tiehsaw u la ai ka jingujor ejahar sha u DGP pyrshah ´a u Sub Inspector u Goera T Sangma da kaba kynnoh ba u pynshitom ´a u para jongu.
...MORE

Dang bteng ka jingjur slap ha ki jylla NE

Shillong, Jymmang 19 : Ka jingjur slap ha ki jylla kane ka thai˝ shatei lam mihngi ka ri India kan dang ´ai bteng .Kumba long hi mynta u snem ka jingjur slap ka la sdang naduh ba sdang ka aiom Pyrem b...MORE

Lashai yn pyndem 2 ngut ki dkhot ka HNLC

Shillong, Jymmang 19 : Ar ngut ki dkhot ba la rim jongka seng HNLC kin wan ban pyndep lashai ka Sngi U Blei (20.5.08) ha khmat ki heh pulit ha Police Head Quarter. Kine arngut kin wan pyndem ha ka po...MORE

Kem ki Pulit ia u snar Nongkhaii droks

Shillong, Jymmang 19: Ki Pulit ka Tura hynne ka sngi kila ioh ban kem ia u snar Nongkhaii Droks bad kurup bun bah u droks ha ka jingkhynra ia ka Iingsah jong u ha Upper Babupara jong ka sor Tura.Une u...MORE