««|Khot hajir ki Pulit ļa ki Nongļalam Seng Bhalang namar ka jingļakhih Them Metor    ««|Mih ki nongkyrshan NPP, BJP, Congress ban kyrshan ļa ka UDP ha Ranikor    ««|Pat lap daw ka Sorkar Meghalaya ban khang thied dohkha na kiwei ki jylla    ««|Byrthen ki paid Sonapur ban mudui PIL sha ka NGT pyrshah ļa ki Karkhana    ««|Ka kyiad, ka internet, ka ļing ki dawbah ki kam thombor ļa ki kynthei    ««|Pynbor ki shnong Khasi ļ’u Bah Pynshngaiń ban aireng ha ka Bye-Election ha Ranikor    ««|Pyrshah u Chairman ka ANVC-B ba dawa District Council ki 5 jaidbynriew    ««|Dawa ka NBAJAC ļa ka Sorkar Jylla ban pynneh ļa ka C&RD Block ha Lumshnong    ««|Hikai shna sboh bad saiń um jaboh ka MCA ļa ki khynnah ka Sunrays HSS    ««|Rakhe ka HYC ļa ka lyngkhuh sngi ļap u Syiem Tirot Sing    ««|Kynmaw burom ka KSU bad HNYF ļa ka Lyngkhuh sngi ļap u Tirot Sing ha Ri Bhoi    ««|20 tylli ki laptop yn sam u Myntri ļa ki samla pule ba pass bha na Mylliem


Kynnoh ka Heh Mahila Congress ba phiah ka BJP ļa ka jaidbynriew lyngba ka Niam

13 January, 2018

Nongpoh, K’lyngkot 12: Haba kren mynta ka sngi ha ka jingļalang ba ļa kynduh lang ki nongļalam ka Congress ha Ri Bhoi ban pynkup burom ļa u Dr. Celestine Lyngdoh kum u President ba thymmai ka MPCC ha ka jylla, ka heh nongļalam ka All India Mahila Congress bad kaba dei ruh ka nongpeit pyrman ka AICC ļa ka election ha Meghalaya, ka Nita D Souza ka la kynnoh paidbah ba ha ka BJP ha ka jingsynshar jong ka kum ka sorkar ha ka ri ka la kynnoh ba ka BJP ka la phiah ļa ki jaid bynriew ha ka ri lyngba ka niam.

Kum shi bynta ban ļalap ruh ļa ka election ban pan ka jingkyrshan na ki paidbah, katei ka heh nongļalam Mahila ka Congress ka la ong ruh ba naduh ba la synshar da ka BJP la mih ka jingshah pynshitom ļa ki Kristan bad bun ki jaid bynriew ba dang rit paid ki don hapdeng ka jingsyier mynsiem ba ha ka jingsynshar ka BJP la mih ka jingshah pynshitom ki Krisitan bad ki rit paid ha kylleng ka ri.

Ka la ong ruh ha ka por ba synshar ka Congress ha ka ri kam don kano kano ka huri hira bad baroh ki paidbah ha ka ri ki don hapdeng ka shongsuk shongsain, namar ka Congress ka dei ka party kaba ieng ban shakri na ka bynta baroh ki jaid bynriew ha ka ri khlem da niew la ki wan na kano ka jaid bynriew ne na kano ka jaid niam bad kum ki paid ka ri ki ļoh ļa ka mon kaba laitluid ban mane Blei katkum ka jingngeit jongki.

“Ka Congress ha ka jingļalam na ka longing Gandhi ka don ka jingieit kaba kyrpang na ka bynta ka thaiń Shatei Lam Mihngi bad kumjuh ruh ļa ka jylla Meghalaya bad namar ba ha ka jingsynshar ka Congress ki wan shibun ki jingkylla mynta tang shu poi ka election kiwei ki party kiba thmu ban shim kabu ki la kynnoh lai phewjaid ļa ka Congress bad khamtam kito ki nongļalam kiba la mih na ka Congress namar ba ki sngewthuh ba kim poi shuh shaei shaei ruh ba ki paidbah haduh mynta ki dang shaniah ļa ka Congress”ong ka Nita D. Souza kum ka heh nongļalam ka Mahila Congress ha ka ri.

Ka la ong ruh tang shu wan ka Election ki party riewlum ki la sdang ban khohreh ban pynbiej ļa ki paidbah bad kumjuh ruh ka NPP bad ka BJP kiba ong ba ki dei la ka jong ka party, hynrei ki ļa trei lang bad ka BJP ki la mih ban kynnoh ba ka Congress ka synshar donbor bad kam don ka jingkitkhlieh ļa ki paidbah bad kumba long haduh mynta hi baroh ki jingkylla kiba wan ha ka jylla Meghalaya ki dei ki matti jong ka Congress suda.

Ka la kynthoh jur ruh da kaba kynnoh ba ki party riewlum bad kynthup ruh ka NPP bad ka BJP ki mih ban pynbiej ļa ki paidbah da kaba thaw wat ļa ki bor ba bakla ban pynbiej ļa u paidbah bad kum ki paidbah pat kim dei ban biej namar kitei ki dei tang ki buit thok ki buit shukor ha kaba khlem pep lada ki wan ha ka bor kin ļa trei lang bad ka BJP kaba dei ka party kaba khnioit bein ļa ki rit paid bad khamtam ki Khristan, ka la ong.

Ka la ong ruh ba ka Congress ha Meghalaya kan dang wan biang ha ka bor, namar ki paidbah ka jylla Meghalaya ki dei kiba stad bad kiba bishar ļa ki kam bad ym donkam ba kitei ki party khwan myntoi ki hap ban kynthoh ha kaba ki paidbah hi ki la dep ban bishar ba dei tang ka Congress party kaba don kata ka jingkitkhlieh naduh u duk u rangli bad kaba kdup lang ļa baroh khlem da don kano kano ka jingļapher ha ka jaid ka khong ne ha ka niam ka rukom.

Da kaba ai mynsiem ruh ļa ki nongkyrshan ba radbah ka Congress ha Ri Bhoi, katei ka heh nongļalam Mahila ka Congress ka la ong ruh ba ki dei ban wah ļa ka lama Congress ha man la ki ing ki sem khnang ba kitei kiwei ki party ba shim kabu kim nud shuh ban wan pynbiej ļa ki paidbah bad ban dang ļoh synshar ka Congress ka la kyntu ruh miet la bad sngi ba ki nongļalam bad ki nongkyshan ki dei ban trei shitom khnang ba lada ka Congress ka ļoh synshar biang yn dang wan rah ļa shibun ki jingkylla kiba dangsahteng kiba dei katkum ka jingdonkam ki paidbah, ka la bynrap.

U Ma Vincent H. Pala, uba dei u MP bad u Working president ka MPCC haba kren ruh ha kane ka sngi u la buh ka jingkyrpad jur ļa ki paidbah ka Ri Bhoi ban kyrshan borbah ļa ka Congress bad kumjuh ruh ļa u Dr. Celestine Lyngdoh, namar ka Ri Bhoi ka donbok ba u Dr. Celestine Lyngdoh tang ha ka jinglong MLA ha ka sien kaba nyngkong u la ļoh ban bat kum u Myntri hapoh ka sorkar bad la shah jied ruh kum u President ka MPCC kaba long ka jingsarong ļa ki paidbah ka Ri Bhoi.

U la ai mynsiem ruh ļa ki hajar ngut ki paidbah nongkyrshan ka Congress ba lada ki pynjop ruh ļa u Dr. Celestine Lyngdoh kan don ruh ka kabu ba u Dr. Celestine Lyngdoh kum u nongļalam na Ri Bhoi un poi ruh wat ha ka kyrdan Myntri Rangbah lada ka Congress ka dang ļoh ban synshar ha ka jylla.

U la ong ruh ha kine ki sngi ba la jan ka election la mih ruh ki jingkynnoh ba lai phewjaid ļa ka Congress ba ka synshar donbor bad leh donbor, hynrei ku ki paidbah kim dei ban sngap bad ki hap ban bishar ļa ka lawei ka jylla, namar ka lawei jong ka jylla ka shong ha ka shi vote jongki.

U la pynshai ruh ba ki paidbah ba pyrshah Congress bad khamtam kiwei kiwei ki party riewlum ki la kynnoh ruh ba wat ļa ka jingkhang dewiong bad ka Village Administration Bill (VAB) la leh donbor da ka Congress, hynrei kim tip pat ba ka VAB ka sorkar Congress ka la dep ban pass ļa ka Bill ba kaba sah mynta sa tang ha ka kti u Governor ba la thung da ka sorkar BJP bad wat ka jingkhang dewiong ruh la ujor da ki Samla na Assam sha ka High Court bad ka rai ban pynlait biang ļa u dewiong ka shong ha ka kti ka sorkar kmie namar u Dewiong u hap ha ka Union list bad ym ha ka State List, u la ong.

U Ma Pala u la ong ruh kum u MP U la leit mih ruh la bunsien sha ka Home Ministry ka sorkar pdeng ban ļa kren halor ka VAB bad kaba sngewsih pat u la shah pynshad shrieh na kawei ka department sha kawei pat namar ki don haduh lai department kiba dei shaphang ka Law bad kaba sngewsih pat ki paidbah ki kynnoh khlem nongrim ļa ka Congress, namar ban pynlong ain ļa katei ka Bill ka dei sa tang lada u Governor u ai ļa ka jingmynjur ban pynlong ain ļa katei ka ain.

Namarkata, u la ong ruh baroh kitei ki jingkynnoh ki dei kiba kwah tang ban pynthlot bor ļa ka Congress, hynrei kim sngewthuh pat ba ki paidbah mynta ki la stad ban bishar,namar kumba long ha ka jylla ka dei tang ka Congress hi kaba trei na ka bynta ka jingkylla ha ka ri bad ki jylla bad kumjuh ruh ban peit kyrpang ļa ki duk ki suk bad ki rangli ki juki khlem da shahliang, u la bynrap.

Na ka liang u hehduh ka Congress, u Dr. Celestine Lyngdoh uba dei u president ka MPCC haba kren ha kane ka jingļakynduh lang ki para nongtrei Congress ba la pynkup burom ļa u, u la pynpaw ļa ka jingkmen ļa ki para nongtrei ba ki nongkyrshan ka Congress bad u la pynpaw ruh kumba long haduh mynta wat lada ki nongļalam kiba bun ki la mih na Congress hynrei kiwei pat ki nongļalam kiba dang tbid shuh naduh ki IAS bad Engineer ki rung hapoh ka Congress ban shim pat ļa ka lyngkor nongļalam bankyntiew ļa ka jylla.

U la ong ruh baroh kito ki MLA ne ki nongļalam kiba la mih na Congress ki dei tang ki riew shim kabu kiba kwah ban ļoh jingmyntoi shimet bad ki long ruh kum kito ki Bsein ba la pynsyaid bad hadien ba la pynsyaid pat kip uh kylla ba kumno ki paidbah kin shaniah ļa kum kita ki nongļalam.

Lyngba kane ka jingļakynduh lang ki nongļalam ba ki nongtrei ka Congress na Ri Bhoi ban pynkup burom ļa u Dr. Celestine Lyngdoh la pynphuh pynphieng ruh da ka jingdon lang ki nongļalam ba ka District bad ki Constituency ba kynthup ļa u Bah Min Makri, Working President ka Congress ha Ri Bhoi, u Bah Marald Born Syiem, Kyrtong na Nongpoh, u Bah Charles Marngar, kyrtong na Mawhati, u Bah Najim Kharmalki, President ka Jirang Block, u bah W. Syngkli bad ka Kong Sarita Laitphlang kiba pan ticket na Jirang bad kynthup ruh kiwei kiwei ki nongļalam bad ki da ki hajar ngut ki paidbah nongkyrshan ka Congress na Ri Bhoi.



Yn dang pynneh ka Sorkar Pdeng ļa ka Pre bad Post Matric Scholarship

Shillong, Naitung 18: ka Cabinet Committee ha kaba ļadei bad ka ļoh ka kot jong ka sorkar pdeng kaba la pynļaid da u myntri rangbah duh jong ka Ri India mynta ka sngi kala shim ļa ka rai ban dang bten...MORE

Shah kem 4 ngut bad u drok

Jowai, Naitung 18: Ki Pulit ka Anti Narcotics Task Force (ANTF), West Jaińtia Hills District hapoh ka jingļalam ka DSP Re Neena Rabha and SI Arki Wahlang kila ļohkem saw ngut ki suba nongkhaļi drok ba...MORE

Dawa ka KSU ban mang pisa ļa 1044 ļing ki lanot shoh phria

Shillong, Naitung, 18: Ka Khasi Students Union (KSU) Ranikor Circle kaba la buddien halor ka jingļarap ļa ki lanot ba ngat ha ki jingshah lynshop ha ki bor mariang ha u snem 2016 bad ha u snem 2017 ha...MORE

Leit jngoh u Myntri ļa jaka pynmih bor ding ha Wah Ganol

Shillong, Naitung 18 : U Myntri ka tnad bording jongka jylla u James K Sangma mynta ka sngi u la leit jngoh bad jurip ļa ka jingpyntrei ļa ka Ganol Small Hydro Power Project kaba 22 MW ha Chibagre bad...MORE

Ka jingļalang Workers Power

Shillong, Naitung, 18: Ka Workers Power - ka Federation jong 13 tylli ki Unions bad Sssociation jong ki nongtrei nong bylla lang bad ka TUR kan pynlong jingļalang na bynta ki nongtrei Casual bad Muste...MORE

Ka jingļalang ka MUPSTA ha Tura

Shillong, Naitung, 18: Ka Meghalaya Upper Primary School Teachers Association (MUPSTA), State Level ha ka lah sngi u Blei mynta ka taiew ka la pynlong ļa ka Central Executive Committee (CEC) ha nongba...MORE

Kem ki pulit ia uba thmu tuh kali

Nongpoh, Naitung, 18: Kawei ka sumo shimet kaba don ia u number ML 10 4615, ia kaba la pyndonkam da ki pulit ha Byrnihat Police Outpost, hynne ka sngi ha ka por 1:30 baje ei ei nohphaisngi, ka la shah...MORE

Lum jingļalang u Myntri C&RD ban bishar ļa jingtreikam ki skhim

Shillong, Naitung 18 : Kum shi bynta na ka jingpyrshang jongka sorkar ban wanrah ka jingpynsted ļa ka rukom pyntrei ļa ki skhim ki projek ha ka jylla, u myntri ka tnad C.& RD u ma Sniawbhalang Dhar my...MORE

Mynsaw shi kurim ha Mawngap suba ki pulit ba ļashoh

Shillong, Naitung 18 : Kawei ka longkmie kaba 28 snem ka rta lem bad u kurim jongka ki la mynsaw jur bha namar ha ka por ba don kiba lap ļa ki, ki la shu ļathiah lyngktar hapdeng ka jinglyngkien ka ...MORE

Yn pynkup burom ka FAMASTA ļa ki khynnah ba pass bha

Shillong, Naitung:Ka Federation of All Meghalaya Adhoc Secondary School Teacher Association (FAMASTA), kan pynlong ļa ka jingļalang pynkup burom na ka bynta kito ki khynnah kiba wan shakhmat ha ka eks...MORE

Yn pynlong jingļalang ka KSU Warsan Lyngdoh

Mawkyrwat, Naitung:Ka Khasi Students Union (KSU) Wasan Lyngdoh Circle kan pynlong ļa ka jingļalang mynta u bnai ha kaba kin ļadonlang naduh ki dkhot ba la shongthait mynshwa, ki dkhot ban sa shongthai...MORE

Ai Khublei Behdeinkhlam ka Seiń Kyntu Seiń Raij 12 Daloi

Jowai, Naitung : Ka Seiń Kyntu Seiń Raij 12 Daloi ka ai Khublei Behdeinkhlam ļa ka Seiń Raij Tuber bad kumjuh ruh ļa ki dong ki Shnong kiba hap hapoh ka jingpynļaid ka Seiń Raij Tuber, kiba shong ba...MORE

Ai jinghikai ka Women’s Comission halor ka Home Stay Tourism

Shillong, Naitung 18 : Ka kam jngoh kai pyrthei ka dei kawei na ki kam karkhana kaba dang sdang khieh lung bha ha kane ka jylla kaba lah ban wanrah ka jingioh nong ļa ka jylla na ka khajna bad ka ļoh ...MORE

Kyntu ka Laittyra DCC ban maramot kloi ļa ka surok Sohra - Mawsmai -Shella

Shillong, Naitung : Ka Laittyra Development Core Committee, (LDCC), Sohra, EKHD, ha ka 10 tarik mynta u bnai hapoh ka jingļalam jong u Bah Comfort Shullai, Matabor I/c (Rangbah Shnong) jong ka shnong ...MORE