««|Kwah ka NFR ban tuklar ka Sorkar MDA halor ka jingpyrshah lynti rel ha Jylla    ««|Iehkam u Yeddyurappa kum u CM ka Karnataka, yn thaw Sorkar ka Congress bad JD(S)    ««|Mar ďakhun dohiap u Dr Mukul bad u Conrad ban jop ha Ampati    ««|Pynsangeh kamai ki nong shong shnong Lumshyiap ďa ki kali Saw Maxi Cab    ««|Da ka ktien Garo ďalap election u Bah HM Shangpliang ha Ampati    ««|Ka ILP, ka ďohkam ďohjam, ka pule puthi bad ban ďada mariang ka thong jong ka HYC    ««|Da ki tiar tynrai u Khasi dawa pynphriang ka KSU ha ka Shillong Street Festival    ««|Pynkup burom ka skul Mary Mount Mawtawar ďa u MLA ka Mawlai


Kyrpad ka HYC ďa ki paidbah ka Jylla ban kyntait ďa ka Congress bad ďa ka BJP

14 February, 2018

Shillong, Rymphang, 13: Ka Hynńiewtrep Youth Council (HYC) mynta ka sngi baar ka la pyllait paidbah ďa ki kot lyngkdop ba la shon da ki lak kopi ba la kdew halor ki 28 tylli ki mat ba pynpaw ba ki paidbah ka jylla ban jynrat ďa ka Congress na ka bor synshar ha ka jylla bad kyntait ruh ďa ka BJP ha ka elekshon sha ka ingdorbar Thawaiń ka ban long ha ka 27 tarik mynta u bnai.

Ďa ka kot lyngdkop shi sla, ba la pyllait paidbah da u Bah Peter Lawai bad u Samla Robert June Kharjahrin, nongďalam ka HYC yn sa sam sha ki paidbah kum shi bynta ka jing ďalap pyrshah ka HYC ďa ka Seng Congress (Anti-Congress campaign).

Ha kine ki 28 tylli ki mat, ka HYC ka la kynnoh ba ka Congress kaba bat ďa u lakam synshar ka la kyntait ban pyntreikam ďa ka Inner Line Permit (ILP) bad ďa kiwei kiwei ki aiń bapyrkhing ba pyrkhing mynder bad ka jingbym pyrshah ka Congress ďa ka jingtih Uranium bad ai jingkyrshan ďa ka jingwan ka surok Rel.

Lah ban kdew, ka HYC ka la pynbna da ka ‘Save Hynniewtrep Mission’ hadien ba ka Sorkar MUA-II ba la ďalam da ka Congress kam shym la sngap ďa ki jingdawa ban khot ďatai sani halor ka jingpyntreikam ďa ki 14 tylli ki mat ba la tyrwa da ka Seng ban thaw ďa ki aiń ba pyrkhing ka jingtuid kyrthep ki mynder ri sha ka Jylla. “Ka Congress ka dei ka Party kaba la kyntait ban pyntreiikam ďa ka ILP bad ďa kiwei kiwei ki aiń ba khlaiń ban tehlakam ďa ka jingwan tuid kyrthep ki bar jylla bad ki mynder ri sha ka Jylla,” ong u Bah Peter Lawai, President ka HYC haba kren sha ki lad pathai khubor mynta ka sngi.

U la kynthoh ruh ba ka Congress ka la ai tiket sha ki Kyrtong bym dei ki trai muluk ba kynthup ďa u Abu Taher Mondal, Lamphang ka Ingdorbar Thawaiń ban ďakhun na Phulbari Constituency, u Dr. Ajad Zaman na Rajabala kaba biah phongrai ďa ka jingangnud jong ki trai muluk ban synshar dalade ďa lade ha ka jylla.

Haba kynthoh ba ka Congress ka shu bud matlah ďa ka High Command, u Bah Peter u la ong, ba kawei na ki daw ba ka Congress kam shym la shimkhia ka dei ka jingbym lah ban tehlakam ďa ka jingwan tuid kyrthep ki mynder namar ďa ki la niew kum ki ‘vote banks.’

U la kynnoh ba ka Congress ka la pynjngut ďa ki Autonomous District Council da kaba pynieng da ki kyrtong bym dei ki trai ri trai muluk ha ka elekshon baladep jong ka GHADC. Haba kdew shuh shuh ďa kiwei pat ki mat ba ki paidbah ki dei ban kyntait ďa ka Congress, u la ong ba kane ka Seng Saińpyrthei kaba la synshar ďa ka Meghalaya kam shym la lah ban rat dyngkhong ďa ka bamsap bampong namar ka jingbym thaw ďa ka Lokayukta ha ka jylla bad ka jingbym lah ban pynbeit ďa u pud u sam ba la sahteng da ki phew snem bad ka Assam.

“Ka dei tang kane ka Party ka bym pat pyrshah ďa ka jingtih Uranium bad imat ka kyrshan ďa ka jingtih Uranium namar uwei na ki MLA jong ka, u Bah Ronnie V. Lyngdoh, u la doh ieid ďa u maw uba u kam ba u dei u Uranium,” u la ong bad bynrap ruh ba dei tang ka Congress kaba kyrshan ďa ka jingwan ka surok Rel ha ka jylla.

Ka Seng ka la kyrpad ďa ki paidbah nongthep vote ba kin pyrshah ďa ka jingthmu jong ka Congress, kaba la phiel ban thaw ďa ka Mining Policy, da kaba ailad ďa ka Meghalaya Mineral Development Corporation Limited (MMDC) ban shimti ďa ka kam tih dewiong ha ka jylla.

“Ki paidbah ki dei ban kyntait ďa kane ka Sorkar kaba la shu pynbijai ei ďa ka pisa u paidbah tang ha ki tamasa ha ka jaka ban pynlut ďa kane ka pisa na ka bynta ki kam pynroi ha ka jylla,” u la ong bad bynrap, “ka dei kane ka Party kaba la pynbor wat ďa ki paidbah ban pynrung kyrteng Aadhaar.”

Ka Seg ka la kynnoh shuh shuh ba ka Congress ka la phiel ha baroh ki liang namar ka jingbym lah ban thaw ďa ka Education Policy, Employment Policy bad kiwei kwei hynrei kaba kloi pat ban tuklar ďa ki kam shna aiń jong ki Autonomous District Councils halor ki Dorbar Shnong bad ka jingbym lah ban bad kaba la pynslem ruh ban buddien ďa ka jingdawa ban pynrung noh ďa ka ktien Khasi ha ka Eight Scheduled jong ka riti synshar ka Ri India bad ha kajuh ka por ka bym kren shai haduh mynta la ka pyrshah neem ďa ka jingpynlong elekshon Municipal ha ka jylla.

Na ka liang u samla Robertjune Kharjahrin, General Secretary ka Seng u la ong ba ka Seng ka la rai ban ďaid beit shakhhmat ďa ka ‘Clean Congress Campaign’ hynrei ka Seng kan ym map satia wat ďa kiwei kiwei ki seng Saińpyrthei kiba kyntait ban pynrung ďa ki jingdawa ka seng ha ka Election Manifesto jong ki.

“Ngin ďalap pyrshah ruh ďa kiwei kiwei ki seng saińpyrthei kum ka People Democratic Front (PDF) ka bym lah ban pyni shai ďa ka jingkular jong ka ban tem ďa ka jingwan tuid kyrthep ki mynder ha ka Manifesto jong ka,” u la ong.

Une u nongďalam ka HYC u la kyrpad ďa ki nongďalam ka PDF ba kin bishar biang ďa ka rai da kaba bsut biang ďa ka jingdawa ILP bad kiwei kiwei ki aiń ban tehlakam ďa ka jingwan tuid kyrthep ki mynder ri sha ka jylla.

U la kynthoh ruh ba kiwei kiwei ki seng saińpyrthei ki la pynslem ban pyllait paidbah ďa ki Eection Manifesto watla ka elekshon ka la jan tied jingkhang sa tang da ki sngi.

Ka Seng kyrpad ruh ďa ki paidbah ka jaidbynriew Hynńiewtrep ba kin kyntait mardor ďa ka Bharatiya Janata Party (BJP) da kaba kynnoh ba ka dei ka Party kaba ďajan bha bad ka RSS. Ka HYC ha kane ka kot lyngkdop shi sla ba la shon ďa ki 16 tylli ki mat ka la kynnoh ba kane ka Party ka bym ďarap ďa ki ritpaid na ka jingshah ban beiń bad iuhroit bad kynnoh ruh ba ka BJP kam pat pynpaw shai la kan kyrshan neem ďa ka ILP bad ďa kiwei kiwei ki aiń bapyrkhing ďa ka jingwan tuid kyrthep ki myndei ri sha ka Jylla Meghalaya.

“Namarba, ka kyntait ďa ki bar ri Muslim bad ka kdup ieid ďa ki bar ri Hindu ha ka por ba wanrah ďa ka Citizenship Admendment Act 2016,” ong ka HYC ha kane ka kot lyngkdop shi sla. Ka Seng ka la kynnoh ba ka BJP ka la buh thong ban saiń thala ďa ka riti synshar lyngba ka jingbyrngem ban weng noh ďa ka kyntien Secular na ka Preamble ka Riti Synshar jong ka ri Indďa, ka jingpyrshang ban wanrah ďa kawei ka aiń, kawei ka Nďam, kawei ka Kolshor salonsar ha ka ri Indďa. Kaba sngewsih ka long ka aiń, ka Kolshor bad ka Nďam Hindu.

“Ka jingpyrshang ban wanrah ďa ka Uniform Civil Code ha ka ri Indďa bad ka jingpyrshah ďa ki Article 370 bad 371 jong ka riti synshar ka Ri Indďa,” ong ka Seng.

Ka Seng ka la kynnoh shuh shuh ba ka BJP ka dei ka Party ba la lamkhmat ďa ka Sorkar Kmie hynrei haduh mynta kam pat lah ban pynbeit ďa u pud u sam hapdeng ka Meghalaya bad Assam.

“Ka dei ruh ka party ka bym shym la ďarap lem ban pynkup bor ďa ki Rangbah Shnong bad ďa ki Dorbar Shnong lyngba ka VAB namar haduh mynta ka Home Ministry, Govt. of India kim pat ai ďa ka jingkyntu ďa u Lat ka Jylla ban mynjur noh ďa ka VAB jong ka KHADC,” la ong ka HYC bad bynrap, “ka dei ka party ka bym kren shai la ka pyrshah neem ďa ka elekshon Municipal ha ka jylla bad ka bym kren shai la ka kyrshan ne ka pyrshah ďa ka jingtih Uranium ha ka jylla.”

Ka Seng ka la kynnoh ruh ba ka BJP ka la pynshlur ďa ka jingwan ka surok Rel ha ka jylla.

Ka Seng ka la kynthoh ruh ba ka BJP ka dei kaba shna ďa ka Aiń Anti Conversion Law bad ka long ruh ka party kaba pyrshah ďa ka jingnangroi ki Nďam Khristan bad kiwei kiwei ki Nďam bad ka dei ruh ka party kaba tuklar halor ka bam ka dih jong ngi (ka da khang dohďap ďa ka ot doh masi).



Ďatyngkhuh ka kali Sumo bad ka Trok ha Umdishit Mawsawa, ďap 2 ngut

Shillong, Jymmang, 19: Ar ngut ki mynsiem briew ki la duh ei ďa la ka jong ka jingim mynta ka step sngi saitjaiń ha kawei ka jingjia ďatyngkhuh kali ha ka shnong Umdishit Mawsawa kaba don hajan Mairan...MORE

Haka sien kaba nyngkong ďakynduhlang ki Red Cross Jaińtia

Jowai, Jymmang 19: Ka Indian Red Cross Society Jaińtia Hills District Branch kila pynlong ďaka jingďakynduhlang haka sien kaba nyngkong eh ha Lion Mission Compund Hall haka sngi Saitjaiń.
Kane...MORE

Sha u DG ujor ejahar u hymmen pyrshah ďa u SI

Shillong, Jymmang 19 : U bah Fanklin Shyrkon na Nongstoin, Tiehsaw u la ai ka jingujor ejahar sha u DGP pyrshah ďa u Sub Inspector u Goera T Sangma da kaba kynnoh ba u pynshitom ďa u para jongu.
...MORE

Dang bteng ka jingjur slap ha ki jylla NE

Shillong, Jymmang 19 : Ka jingjur slap ha ki jylla kane ka thaiń shatei lam mihngi ka ri India kan dang ďai bteng .Kumba long hi mynta u snem ka jingjur slap ka la sdang naduh ba sdang ka aiom Pyrem b...MORE

Lashai yn pyndem 2 ngut ki dkhot ka HNLC

Shillong, Jymmang 19 : Ar ngut ki dkhot ba la rim jongka seng HNLC kin wan ban pyndep lashai ka Sngi U Blei (20.5.08) ha khmat ki heh pulit ha Police Head Quarter. Kine arngut kin wan pyndem ha ka po...MORE

Kem ki Pulit ia u snar Nongkhaii droks

Shillong, Jymmang 19: Ki Pulit ka Tura hynne ka sngi kila ioh ban kem ia u snar Nongkhaii Droks bad kurup bun bah u droks ha ka jingkhynra ia ka Iingsah jong u ha Upper Babupara jong ka sor Tura.Une u...MORE